Togainu no ti est historia commenticia Japonica, tribus nārrāta fōrmīs:
Togainu no ti (咎狗の血) Japonicē Sanguinem canis noxiī significat.
Japonia ibi mōrēs sīc mūtāverat, ut puerī omnēs ā parentibus separatī et militēs ēducātī esset. sed Japonia bellō clādem accēpit et in partēs duās dīvīsa est, altera pars ā Societāte Fīdā (Anglicē Confidential Company sīve CFC, Russicē ДК), altera ā Foedere Japoniae Reficiendae (Japonicē Nikkouren, 日興連) administrātur. in terrīs Japoniae mediae nec lēgēs ūllae sunt nec jūdicia. caput Japoniae Tōkium dēlētum est, et ea, quae relicta est, nunc sunt Tosima appellāta.
Tosimam societās Vischio, nōmen cujus Ītalicē viscum significat, in diciōnem suam redigit. Vischio vēndit venēnum lain (ライン), quod hominibus ad tempus rōbur dat, sed mentem aliēnat et eōs deinde necat. Viscio in Tosimā ludum, Igram appellātum, īnstituit, ubi aliī lūsōrēs aliōs caedere possunt.
is, quī rēgem Vischiōnis, Il Re, vincet, novus rēx fīet et summam potestātem in Tosimā capient, sed victī necābuntur vel in servitūtem redigentur.